Nuite…
Alhargue-se la nuite
La nuite strelhada
Mágica
Guapa sarena amada
Adonde te sinto
I persinto
Nuite…
Oufrece-me las streilhas
Mira para mi!...
Stou cun las manos abiertas
Para las recebir.
Nuite…
Alhargue-se la nuite
Alhárguen-se las streilhas
Scuita-me
L lebe lhamiento
Trai la mie streilha
La mais doce i guapa
De l firmamento
Aire…
Arrastra la quimera
Trai l oulor que tebir
Para you l sentir
Tal i qual el era
Nuite…
Alhargue-se la nuite
Mira para mi!...
Ten que haber mais streilhas
I stou cun las manos abiertas
Pa las recebir.
Alhargue-se la nuite
La nuite strelhada
Mágica
Guapa sarena amada
Adonde te sinto
I persinto
Nuite…
Oufrece-me las streilhas
Mira para mi!...
Stou cun las manos abiertas
Para las recebir.
Nuite…
Alhargue-se la nuite
Alhárguen-se las streilhas
Scuita-me
L lebe lhamiento
Trai la mie streilha
La mais doce i guapa
De l firmamento
Aire…
Arrastra la quimera
Trai l oulor que tebir
Para you l sentir
Tal i qual el era
Nuite…
Alhargue-se la nuite
Mira para mi!...
Ten que haber mais streilhas
I stou cun las manos abiertas
Pa las recebir.
1 comentário:
Oulá amiga Dlaide
Guapo, mui guapo, cumo ls demais que eiqui tengo lido.
Muitos quedo sien palabras pa ls comentar, agarro-me l siléncio que fago de seguida, cumo quien sorbe l'aire de la nuite nua preinada que reçume na lhembráncia, armana a las de l praino mirandés an nuites streilhadas.
Beisicos
Faustino
Enviar um comentário