Moçambique

Moçambique
Parque da Gorongosa

Douro

Douro
An cama de mofo

sexta-feira, 13 de março de 2009

Porquei, à mar?

Miro para ti
I beio-te cheno de nubres negras
Que nun me déixan ber

La lhuç de l tou oulhar
Que me assústan i atafánhan
Amóstran-me papones
I nun me déixan nabegar

Porquei hai dies
Que te beio de augas claras
An que l aire ye cheiroso
I tous papones einocentes?

Cumo un golfino poulo tues óndias
Mato la sede, sorbo tou sal
Resfolgo tou oulor
I cun l oulhar ambaído
Perdo-me ne l hourizonte

Sentada
Debido cuntigo mius segredos
I apuis apaixonada
Meto-me por ti, à mar!...

Porquei hoije
Tues augas m´aspareçan trúbias
Me sinto triste, mal amada
L tous polbos medonhos me apéian
Me afógan i adominada
Me atíran contra ls fragones
I me mátan?

Porquei, à mar!...
You que te cuntei ls segredos
...Las eilusiones...

2 comentários:

ACangueiro disse...

Sgueira-se la lhuç pal postigo de nubre negra i apláquia l bruido de ondias rebuoltas no mar de eilusones!

Adelaide Monteiro disse...

Las óndias rebuoltas que a las bezes einundan ls santidos i fazen ber ls polbos cun bantosas i sien tronchos!
Beisicos

Enviar um comentário

Arquivo do blogue