Moçambique

Moçambique
Parque da Gorongosa

Douro

Douro
An cama de mofo

quinta-feira, 18 de junho de 2009

Aprisionada


Hai dies que las letras i las palabras chégan de surpresa.
Hai dies que parece que la mano stá presa,
l teclado çcunjuntado,
nada sal, anque treminado, planeado!
Hai dies
an que las palabras salen cumo sartigalhos,
a poular,
adelantre ls nuossos pies,
nun cerrado por segar.
Hai dies an que, anque na ourbalheira,
las palabras quedan amonadas i nun saltan,
mais parecendo xeixos spetados na pedreira.
Ende, ne l meio, bou-las arreculhendo
i aprisionando,
mas l saco adónde las meto,
queda tan pesado, que nun aguanto...
Ou será que són las palabras que me aprisionan i me lhieban a mi?
Sien fuorça,
Einerte i bencida,
quedo assí,
aprisionada de las palabras, aprisionada de mi!...

2 comentários:

Unknown disse...

Ne l Demingo stube bien acerquita de tue casa, inda stube por agarrar dues froles de las que crécen nas eiricas i lebarte-las por haberes screbido tan bien, mas l tou inda me daba por i cun palo!!! :))
Nó, dezírun-me que nun stabas.

Adelaide Monteiro disse...

Almendra,
Agora l miu num te chegaba nien cun garrote que stou cum pie na Europa i outro na Ásia.
Beisos
Adelaide

Enviar um comentário

Arquivo do blogue