![](https://blogger.googleusercontent.com/img/b/R29vZ2xl/AVvXsEha2Wna7mzQm141vqATGP9tg_YL0A2AlE5rLccGpWXYzErzondt8h8Y9Ys0gr5-HYocey6q4HPMvJWZcm998eWDwvz6qkPqebmZBwuza1g2fanXiOWi-jd2m-imCgHRkwpwfhvo2DWzFx0A/s320/cegonha+georgete.jpg)
![](https://blogger.googleusercontent.com/img/b/R29vZ2xl/AVvXsEiA-9W-28ds1aseE7jEaeEmmA5Rpdt_1-8MI3EQStj7Y-c52aw3YAc71PMvS0Fah3iPNppdxGbupk8siNgwnoaE4T88L7yoVcvUsLTL3ImHqWt3okBAieVe7haF78fp2ZyWFj8kv05Ux3m0/s320/cegonha+e+c%C3%A3o.jpg)
![](https://blogger.googleusercontent.com/img/b/R29vZ2xl/AVvXsEh3bnht__Vz_RWphv-xdqajq4E31vJoPfWhf2Rq7eZnckeW2RR5BDe9k0KhjD4NLM2oLijbwGPt2DqBNiS00Li4Cwq4w3bgYsjCuUZHfTSk0wG9TsoNH14VGynYpyvBKV5oCl2tmf6woKlK/s320/cegonha.jpg)
Georgete ye ua ciguonha
Que naciu an San Martino
La mai botou-la de l nial
Ancomeçou assí l sou çtino.
Apanhou-la tiu Caguças
Pa la cuitada criar
Tanto el cumo sue tie
Tenen-la feito medrar.
Anda siempre na cumpanha
De l perro, sou armano
Que quando eilha percisa
Siempre l bóta la mano.
A tiu Caguças i sue tie
You digo-le muito oubrigada
Por tenerdes salbo la cigunhica
Que pula mai fui mal amada.
Agora solo speramos
Que un ciguonho la namore
I que tengan muito filho
I ls crien cun muito amor.
Ciguonhica de San Martino
Tu bás a quedar na stória
Porque ua stória assí
Naide daba fé, nien mimória.
La tue stória yá bai
Na anternete quedar
Para que todo mundo leia
I la puoda cuntar.
Agora mie ciguonhica
Tengo-te un pedido a fazer
Se bolares pula Speciosa
Quiero que me baias a ber.
Que un ciguonho la namore
I que tengan muito filho
I ls crien cun muito amor.
Ciguonhica de San Martino
Tu bás a quedar na stória
Porque ua stória assí
Naide daba fé, nien mimória.
La tue stória yá bai
Na anternete quedar
Para que todo mundo leia
I la puoda cuntar.
Agora mie ciguonhica
Tengo-te un pedido a fazer
Se bolares pula Speciosa
Quiero que me baias a ber.
Sem comentários:
Enviar um comentário