![](https://blogger.googleusercontent.com/img/b/R29vZ2xl/AVvXsEgKxFO9ibEveLzXrQRA0pAmi3nYPz3nu6nH5dJZRZvDpqGqMReNSGJYf2GE1ntRvQ5ptAWjpG3be4BemV5z1K3J0HilVYpgtl4twC_9XHQannCXR95wX37_kddh6s_ogVsvCA1JmPFBnjxy/s400/amendoeira.jpg)
Solo se puode star bien cun l presente se se stebir an paç cun l passado.
You nun tengo la certeza se stou bien cun l presente que a las bezes se amostra tan rebuolto, mas cun l passado si.
Falo del, nó nun rebibir soudosista i cheno de malinas que nun me deixan andar palantre, mas, cun ua soudade saludable recordando l que de buono tenie i me ajudou a ser you, tal i qual cumo sou: ls mius miedos, la mie curaige, las mies anseguranças, las mies certezas, la mie senceblidade i l miu lhado mais friu.
A las bezes quedo a pensar naquilho que fui la mie bida i acabo por me dar de cuonta que mesmo l que nun fui un mar de rosas you l beio cun oulores.
Ye cumo quando ua pessona se muorre: Podie ser un squemungada an bida, mas, apuis de muorto solo se l fala de las birtudes.
Assi se lhieba la bida, l presente, que, mesmo que a las bezes tenga algua punta de spineiro, hai que la bibir na percura de uas tejeiras cun que se l baia cortando ls picos de modo a que se sinta cargadico de flores brancas.
You nun tengo la certeza se stou bien cun l presente que a las bezes se amostra tan rebuolto, mas cun l passado si.
Falo del, nó nun rebibir soudosista i cheno de malinas que nun me deixan andar palantre, mas, cun ua soudade saludable recordando l que de buono tenie i me ajudou a ser you, tal i qual cumo sou: ls mius miedos, la mie curaige, las mies anseguranças, las mies certezas, la mie senceblidade i l miu lhado mais friu.
A las bezes quedo a pensar naquilho que fui la mie bida i acabo por me dar de cuonta que mesmo l que nun fui un mar de rosas you l beio cun oulores.
Ye cumo quando ua pessona se muorre: Podie ser un squemungada an bida, mas, apuis de muorto solo se l fala de las birtudes.
Assi se lhieba la bida, l presente, que, mesmo que a las bezes tenga algua punta de spineiro, hai que la bibir na percura de uas tejeiras cun que se l baia cortando ls picos de modo a que se sinta cargadico de flores brancas.
1 comentário:
Bien falado i bien screbido. Ye esso mesmo.
Antoce, bota palantre.
bs.
Amadeu
Enviar um comentário