Moçambique

Moçambique
Parque da Gorongosa

Douro

Douro
An cama de mofo

quinta-feira, 30 de março de 2017

Poema a la suolta




Solto ua frase al calha,
ajunta-se a outra i mais outra,
cumo se la frase fusse giente,
giente que bózia an rebuolta,
garoto que cun fame chora,
nace l poema a la suolta,
mas sien lhibardade cumpleta.


Anguolhe l miedo, l poema,
d´ ir parar a la ruga frie,
camina lhibre, secalha scrabo,
muole-se todos ls dies,
ne l bolso nun ten un “chabo”,
mas miedo de ser çpedido.


Sóbran-le dies al poema, fáltan lhetras para ciar.
Sobra-le  raiba al poema i muita gana de boziar...


Sal de l lhibro, bai pa la ruga,
Pon l crabo ne l jaleco
i solta la boç aprisionada.
Solta frases, lhiberta lhetras,
Chube al tabuado,
fala d´ Abril, lhibardade.
Puis que culpa ten Abril
Qu´l mundo nun baia palantre?!


Poema!
Poemas somos nós todos,
Séiamos cun rima ou sien rima!
Tenemos que dar cuonta d´aqueilhes
que cómen l´antologie!
L´antologie i ls lhibros, l trabalho i la denidade,

Acontra ls corrutos boziemos, por Abril, an lhibardade!

1 comentário:

Teresa Almeida disse...

Por Abril, an lhibardade, cumo un poema a la suolta.
Tanta lhuç, Delaide!

Beisicos.

Enviar um comentário

Arquivo do blogue