Era fin de tarde i l sol decie subre l peito an brasa.
La nuite habie d´arfar subre ls stremuntiados géstios
que nien l més d´Agosto capa.
Abáixan las tençones cun la calor.
Era fin de tarde i als cuorpos sudados
yá le falta sal ne ls mananciales.
Mirei para ti a fin de tarde.
Stabas fresco cumo meruja que medra n´ua naciente
arrenegando l cuoco que l´há-de cantar.
Mirei para ti i l´oulor çaracutiou terceiros
arriba i abaixo ne l miu mirar
cumo riu que se banhou
apuis que la truniada d´Agosto
barriu ls pulborinos de sequidon.
Era Agosto i l´ourbalheira passiaba-se a fin de tarde.
Sem comentários:
Enviar um comentário