Moçambique

Moçambique
Parque da Gorongosa

Douro

Douro
An cama de mofo

segunda-feira, 20 de abril de 2009

Poema sien abrigo


Ah, poema!
Como you te querie lhibartar
Desses benairos!

Ah, poema!
Como you te querie dar
L pan
A ti
I a tou armano!

Bibes ne l mundo
Que nun ye tou
Znudo de lhetras de sprança
An sílabas de andefréncia
Drumes an buracos
De lhibros nun lidos
Declamas-te an bózios nun oubidos
Sós lhetra de cantiga nun cantada
Sós restro dua bida amaldiçonada

Ah, poema!
Ajunta la tue boç
A la de todos ls anfelizes
Que nacírun
De lhetras
Deste mundo atroç
Alboróten-se bien alto
An boç bien amanhada
Cumigo
I cun todos ls poetas
Que bos parírun
I botórun ne l piso
De rue amaldiçonada

Ah poema, maltrapilho
Neste mundo de eigoísmo
Que nun te lhiberta
Nun te dá l pan
Nun te dá nada!

2 comentários:

MPS disse...

Cara Adelaide

Há muito tempo que não lia um poema que me falasse tão directamente ao coração. Bem-haja por ele.

Cumprimentos

Adelaide Monteiro disse...

Obrigada pela sua passagem por este cantinho e pelas suas amáveis palavras.
Cumprimentos,
Adelaide

Enviar um comentário

Arquivo do blogue