Quiero horas dadas pul sol
S´outro reloijo nun tebir
Pula lhuna i l siete streilho
Sien campanas a tocar
A anquemodar las trindades
Todas las horas i meias
Qu´un anté queda baralhado
Cun tamanho badalhar
Que s´oube de to l lhado.
Quiero la magie perdida
De las trindades
Çporgramada an cumputador
I digo cun muita delor
A to la giente que me ouba
Que ye cousa bien bouba
Las campanas siempre a tocar
Siempre a spertar un lhugar.
Yá bundában ls bendedores
Cun sous apitos a berrar
Tan alto i tanta beç
Qu´ a las dues por trés
Nien parece la Speciosa
Qu´era calma i galana
I agora stá tan nerbiosa.
Dai-mos las trindades
I l toque de l meidie
Para que se reze cun deboçon
Padre nuossos i abe maries
Puis que nesta cunfuzon
De toques i scampaniar
Sien se saber se ye ancurdar
Se son las horas ou l tércio
Se ye missa ou repicar
3 comentários:
Absolutamente - como siempre dzis al que muitos sintam melhor que qualquiera um Adelaide. Se se fazir ua petico ou outra cousa qualquiea contra al scampanar hourario cuntai c'migo. Ya basta saber que ye todo outmatico por num haber quien queira puxar al badalho mas agora todas las meias horas nun se cumprende nin se justfica nestes tiepos d'agora. Ye demais! bs, belmiro
Stás acá, Balmiro?
Isto ye un hourror, este scampaniar que acabou cun la magie de las Trindades, para alhá de tirar l sussego de la aldeia. Bá, se stás acá bamos a isso...
Ya nun tengo essa suerte Adelaide, birei na quarta. Ancuntrei Marie Gorete an Miranda y eilha falou-me dal que sufre cum isso cuitada. Na pel deilha garantobos que num me ficaba. Tantaba falar cum la fabriqueira y se num fussam rezonables iba cum eilhes a tribunal - isso num se fai. Quando alguien qu'andasse na laboura p'las tierras sien reloijo pudisse tirar algum porbeito num badalhabam agora que que num fai falta nenhuma badalham - pouco juizo. Oulhai ye por essas y por outras que nun stou arrepandido me tener quedado an Miranda. Cuntai qmigo nal que pudir. bs, belmiro
Enviar um comentário