Ye muito tiempo

Nun me pidas para quedar para siempre

Puis que siempre ye muito tiempo

I nun sei se sou capaç.

Nun me lo digas

Porque l siempre para mi

Ye tiempo de más.

Duolen-me las raízes

Agarradas a tierra dura

Sécan-se-me ls galhos

De parar nesta secura

I las fuolhas

Cun sede de chúbias frescas

Bán mudando sues quelores

Ua a ua

I bán-se-me çpedindo.

Quando la cemba medrar

De fuolhas ne l chano friu

I l´arbole que sou, tritar

Abraçadas quedaremos

Para siempre…