Moçambique

Moçambique
Parque da Gorongosa

Douro

Douro
An cama de mofo

sexta-feira, 8 de maio de 2009

La lhuna mete-se an todo

Antón que andais a arranjar, percurou Antónho Bitorino al modo que spreitaba po riba la parede de la cortina. Se cálha nada diç mie mãe, eiqui a anredar i a sembrar uns freijonicos.
Antón nun sperais la lhuna buona?! Diç que si fai defrença, mas bá yá houbo quien tenga feito la semanteira an lhuna chena i todo cuorriu bien; mas eilha si se mete an todo...
Mete, mete, pansei you para mi; ye bien que se baia metendo cun ls poetas i to ls que cumo you són uns anredosos i einutels que passan la bida a anredar... mas que serie de nós sien poesie...
Fui assi la nuossa manhana; mie mãe l capataç i you l oubreira.
Cun la mangueira de l furo reguei un cachico ls sucos que nun ten chobido, semiemos i apuis cun uas guinchas, acobri-ls.
Agora a fin de tarde bamos a poner tomatos, espinafres i meia dúzia de rabas pal caldo. Mie mãe bai-me a ralhar, nun gosta de rabas.You nun ye dezir que guste muito porque ye mui amerosaca, mas gosto de tener de todo i zde que seia berdura, passa todo l streito.

3 comentários:

Isilda Nascimento disse...

Ah Delaide!
Antón squeciste-te de la lhuna para sembrar? i la tua mai deixou?
Ya miu pai stá siempre:-"Eisilda mira la lhuna, nun tires ls grilhos a las patatas que la lhuna nun ye buona."
Si porque you tiro ls grilhos quando ye perciso.....
Oh amiga que cuntentica debe star la tu mai nestes dies, cuntigo ai!
Besicos
Eisilda

Adelaide Monteiro disse...

Se stá, Isilda!
Fago anhos l die 16 i torno para Sintra porque ben dapeto l miu filho mais bielho de la Turquia. Eilha yá se stá a queixar. Bou a ber se la cumbenço a ir; nun será cierto... inda ten que poner las cebolhas e ten que ber gromar las batatas afuora de la tierra.
Beisicos
Adelaide

Isilda Nascimento disse...

Eilhes bien nos quieren alhá...
Ya la mie mai, que dius la tenga ne l cielo, me dezie:"nunca te debiamos tener puosto a studar se calhar stabas por eiqui, a la nuossa beira.
Pus ye, fazimos cumo ls paxaricos, ganhemos alas i bolemos...
Ba, aprobeita bien estes dies que te quedan.
Beisicos
Eisilda

Enviar um comentário

Arquivo do blogue