Ls filhos que tu pariste

Carregas ne ls ombros,
un fardo que nun pediste,
carregas na tue alcofa,
çdita que nun pariste.

Curbada subre ti mesma,
nó dobrada na tue sina,
hás-de bencir la batailha,
hás-de bencir, çtemida!

I bás-te librar de l fardo,
de la bida qu'agora carregas,
de la serbidon, de la fame
i de l'anjustiça que renegas.

A anfrentar la multidon,
seguirás de punho an riste,
para de la tue serbidon
para siempre te libertares
i na alcofa solo carregares,
ls filhos que tu pariste.