Moçambique

Moçambique
Parque da Gorongosa

Douro

Douro
An cama de mofo

sexta-feira, 17 de julho de 2009

Paleta de letras


Ye nas tintas que mergulho
i çqueço
tempestades d'arena
que me ancendeian ls sentidos.
Ye an ti paleta de quelores
de la tierra que piso
que me lhiberto i prossigo.
Ah tela branca
que me acagatas
quando te penso,
sós fuolha branca
an que me meto
i lhiberto!
Chegai-bos a mi
i lhibertas,
bibámos la bida,
sperança renacida.
Ye nas palabras que nabego,
i lhuito
acontra ls oulios de l aire
que me sécan la piel,
me sécan la boca,
me bótan
contra mi própia.
Ye nas tintas de l poema,
nesta paleta cromática de letras
que me ancontro,
amo, bibo,
me perdo...

Sem comentários:

Enviar um comentário

Arquivo do blogue