Moçambique

Moçambique
Parque da Gorongosa

Douro

Douro
An cama de mofo

domingo, 25 de abril de 2010

Nun quiero



Nun quiero screbir mais poemas!

Anrebulho un bózio mal parido
nun poema que nun debie nacer
que me há-de serbir de mortalha.
Cuorro ne l filo de la nabalha
quaije a caer de las faias.
Deitada a la priessa arreparo
que, çcolada de sangre
tenie parido un poema gerado
nua relaçon çprotegida.
Andeseiado poema,
porque te dei bida?!
Ambergonhei-me
i cun esse poema malfadado
depuis d'amarrotado
amortalhei-me...

Nun quiero screbir mais poemas,

hoije!




4 comentários:

AF disse...

inda bien que yá te passou la gana de nun screbir mais poemas, porque l hoije yá fui onte. Armabas-la buona...
bs.

Adelaide Monteiro disse...

A las bezes si me apetece nun screbir mais...
mas apuis penso nas arrochadas que ua pessona me darie i... cun miedo, boto-me a boziar antes que me las deia.

Que serie you sien screbir poemas!...

Bs

A.

Isilda disse...

Oulá Delaidica!

Oh mie amiga, cumo poderies tu deixar de screbir poemas, se todo an ti ye poema.Basta un mirar, ua palabra, un géstio... i sal un poema marabilhoso!
You, al cuntrairo, zanguei-me cula scrita, stou nua fase menos poetica, bieno ua daquelhas anchurradas d'agua i lhebou l pouco qu'habie an mi. Questuma dezir-se " depuis de la tempestade ben la bonança".

Amiguica de l miu coraçon, un abraço bien arrochado!

Eisilda

Adelaide Monteiro disse...

Carai Eisilda! Bamos yá a fazer ougueiras para que la tierra se anxugue para poner la huorta!...
Quiero-te ber a rir cun essa risa guapa...
Bota-te a screber mesmo que nun publiques l que scribes, mas zabafa cun las teclas que fai mui bien...
Muito beisico,

Delaide

Enviar um comentário

Arquivo do blogue