Moçambique

Moçambique
Parque da Gorongosa

Douro

Douro
An cama de mofo

quarta-feira, 30 de dezembro de 2009

Eirá a ser

Stamos acerquita de l fin de anho, este anho de 2009, que fui l´anho an que you fiç sessenta anhos, nun son muitos, mas tamien nun sou poucos. Tamien fui l´anho an que aposentei, custoso para muita giente, sobretodo para aqueilhes que nun ténen outros antresses ou nun ls crian i assi se beian cun to l tiempo i sien tener cun que l acupar. Nun ye l miu causo, tengo muito, anque astanho nun tenga aporbeitado l tiempo dua forma mui porbeitosa.
Fui ´l anho an que ancomecei a screbir an Mirandés, no die 1 de Janeiro fiç l miu blog an pertués i ancomecei a publicar stórias i poemas ne l Luso Poemas que andában an gabetas i que naide coincie. Poucos dies apuis criei l blog Especiosameuamor, adonde agora stou a screbir i atrabeç del coincie giente que apuis ancuntrei i de quien gusto muito. Atrabeç del fui cumbidada por Amadeu Ferreira a screbir un lhibro de poesie i que yé stá porparado para antregar na eiditora. Fui un anho de alguas supresas, anque you nun ache que tebisse sido un anho mui çécional.
Anho Nuobo, bida nuoba, hai que ancomeçar melhor, para seguir ls dies cun más aplicaçon de ls antresses pessoales que tengo.
Nun sei porquei, mas çque me aposentei, tube mais clara cuncéncia que yá staba nua eidade abançadota i que nun poderie çperdiçar l tiempo; assi tengo que fazer!
Fazer por ancomeçar bien cada anho, adbertido, an fiesta i de perferéncia a beilar. Ye assi que fazerei astanho, cuonto ir a beilar cun l miu tiu que algo custoso fui cumbencé-lo mas que decerteza bai a gostar, ua beç que eirá ancuntrá-se cun muita giente de l sou tiempo i inda para más stá na sue tierra.
Para ua fiesta stou siempre pronta, assi cumo stou pronta para qualquiera ajuntouro i subretodo cun amigos.
L´anho de 2010 bai a ser buono!... L que ancomeça bien,… acaba bien. Assi será.
Para mi eirá a ser un anho de grande criatibidade i creçer de saber, pormeto you a mi mesma.

2 comentários:

Balmiro Quinteiro disse...

Queira Dius que todos als buossos deseijos bengam realidades Adelaide. Que seia um anho cheno de cousas buonas onde num falte la saude y al bien-star y que continueis a regalarmos cum la buosso talentosa scritura.
En 2010 y para alha que isto cum la spranca de bida a chubir y las mulhires a quedar muito mais qu'als hommes (basta fazer al ratio biubas/biubos na speciosa) doubos p'lo menos mais outros tantos anhos..
Que seiam siempre dals buonos ;)

Beisicos,
Belmiro

Adelaide Monteiro disse...

Outros tantos, Belmiro? Nun será cierto...120!!!!
que seian muitos mais i buonos...
Bs

Enviar um comentário

Arquivo do blogue