Las tues manos

Las tues manos son bida
Ásparas, rachadas, queimadas
Se tornórun amerosas
Para me ajudar a nacer

Las tues manos son magie
De l nada fazendo todo
Ponendo na boca de ls filhos
L pan que nun tenan, para quemer

Las tues manos son fiestas
Mesmo que las fagas a priessa
Porque debrebe tu bibes
Siempre, siempre a correr

Las tues manos son poemas
Que declamas sien saber
Com çanseblidade i fuorça
La fuorça que te fai bancer

Las tues manos son trabailho

Tanto, tanto i tan çfrente
Que las tues manos nun tenan
Tiempo para bibir

Las tues manos son todo.
Nas tues manos está todo, mulhier!