Moçambique

Moçambique
Parque da Gorongosa

Douro

Douro
An cama de mofo

sábado, 24 de janeiro de 2009

Ditos Desideiros

  • Sós tan teimoso! Tenes carreira de cuchino muntês.
  • Nalgas de mulhier i çofino de perro, nunca cunheciran l brano i stan sienpre fries que nien carambelo.
  • Assopros a fuornos i cunseilhos a namorados, son trabailhos scusados.
  • Quien tropeça i nun cai adelantre bai.
  • Grande deseiluson- Ye cumo quien ceba i nun mata.
  • Quien cun garotos se deita, cagado se alhebanta.
  • Tanto anchou la tie que s l sbarrolhou la casa. Esbarrulhar-se la casa ye quando la tie paire un nino.
  • A prepósito d ls cereales-Fubreiro namoradeiro, Márcio ancalharço, Abril spiguil, Maio granaio, San Juan secaio, Juilho fouce no puinho, Agósto trilho pul rosto.
  • A perpósito d ls alhos- No Natal tenan que tener bico de perdal.
  • Quando queremos saber l que nun quieran dezir: Que stais a fazer? Calças a polhos i punhetas a galhos.
  • Tira-mos Dius an dientes i dá-mos an queixos. Dizan ls bielhos quando iá nun tenan dientes para maçcar.
  • Nun toqueis an Garrido que stá parido. Ousa-se quando ua pesona stá anrezinada i nun se puode falar cun eilha.
  • Quien stá de fuora racha leinha, cumo quien diç nun te metas aonde nun sós chamado.
  • An Abril augas mil i passadas por un funil.
  • L cornudo ie siempre l´ultimo a saber.
  • Prejunçon i auga benta cad´un ten la que quier.

4 comentários:

BigBrother disse...

An ruim tiempo nun te mates - an bon tiempo num t'agaches.. era assi para las cousas de la laboura mas que quir zir assi cumo 'bate-se no fierro quando sta caliente..'

Anónimo disse...

mais uas poucas Adelaide:
- Mais bale bien saber gobernar que de se matar a trabalhar..
- Quanto mais prima mais sel arrima..

Anónimo disse...

Qien quier belhota que trepe!

Anónimo disse...

Cada tirra cum sou uso y cada ruca con sou fuso..

Enviar um comentário

Arquivo do blogue