Moçambique

Moçambique
Parque da Gorongosa

Douro

Douro
An cama de mofo

sexta-feira, 16 de janeiro de 2009

La gelada- Las stórias de tie Purdência I


Si stá isto bien ancarambinado, desie tie Purdência que, cun las manos debaixo de l mandil para ber se nun s´anregelaban, iba a la Funtásia a bescar uns tronchos de coube i nabes para fazer la caldeirada d´ls cuchinos.
Staba eilha a dezir estas cousas a tiu Antonho i andando, quand quei, resbalou no carambelo que habiê no chano, dou ua lhumbeirada i só num se scalabaçou mais, porque botou ua carbalhada mi bárbara, daqueilhas que se cosam e recosam, sien nen sequiêra se l lambrar que staba al piê d´l eigreija.
Resou lhougo uas ouraçones para que Dius la perdonasse i alhá se fui a tocar las cholas pula caleija abaixo.
Hai que trazer dous caiatos pal a gente s´astribar; caralcho, çcunfio que tengo un zinolho algo zmanchado i bai me a dar cangoixa, deziê eilha apuis a l sou tiu que staba a atiçonar l lhume a la caldeira para que l auga fosse calcendo assi apuis ferbie más debrebe.
Anton porquie que mun t´apurcateste i lhebabas un caiato? Anda que you num salo sien m´ agarrar a um palo! Este carambelo, se nun benir sol, stá por uns dies i apuis cun este çanceinho inda angorda mais. Ls caminos son ua resbalina.
Stamos mi mal s´isto num demudar...

Sem comentários:

Enviar um comentário

Arquivo do blogue