Moçambique

Moçambique
Parque da Gorongosa

Douro

Douro
An cama de mofo

sexta-feira, 27 de março de 2009

L anterbalo


Todos nós recebimos mensaiges eiletrónicas que nien chegamos a abrir, parece-me que seremos todos; you al menos assi fago i só las ancamino para amigos, quando son mi speciales: ou para fazer rir, ou frases mui perfondas.Hoije recebi ua bien pequeinha mas que me topou andrento i que dezie: nun pediste para nacer, nun pides para morrer, aporbeita l anterbalo.I nun ye que baliu la pena abrir essa, dua amiga! Nó porque you nun l soubisse; ye ua cousa que todos dezimos quando se mos muorre algun familiar ou amigo an la flor de l’eidade, mas que squecemos lhougo a seguir, assi cumo tamien squecemos la pormessa de mos besitar mais a menudo. Acabamos por cair ne l mesmo zancanto de starmos tiempos anfenitos sien mos ber ou falar, mas la pormessa fazemos-la siempre.Anton, eiqui queda ua mensaige amportante para todos nós: Aporbeitemos esse anterbalo para amprestarmos ombros a quien percise deilhes i nós, para bibir l die de hoije cumo se fura l redadeiro, cada un a sou modo de bibir esse "redadeiro".

2 comentários:

Faustino Antão disse...

Oulá amiga Adelaide

-I esse anterbalo puode ír-se nun sfregante, sien dezir nada nien a naide.
-Cumo todo serie bien melhor para nós i pa ls outros se mos dissemos cuonta que antre l nacer i l morrer nun ye tiempo nanhun.

Beisicos
Faustino

Adelaide Monteiro disse...

Ei Faustino:
...entre l naçer i l morrer nun ye tiempo nanhun. Dizes bien, Faustino.
Habie mais felcidade en to l mundo se se pensasse assi; nun habie tanta ganáncia, sede de poder, guerras, etc.
Bá bamos bibiendo.
Beisicos
Adelaide

Enviar um comentário

Arquivo do blogue