Molhou las formigas
La chuba ne l Berano
Salírun las d´ala
A passear ne l chano
Nun se dórun cunta
Que la rapaza apareciu
Cun rateiras i pimiento
Adonde las metiu
I eilhas ne l scuro
Alhá ancerradas
Nun sabien l que fazer
Quedórun assustadas
Cun l pimiento I rateiras
Fui-se toda animada
A guardar las bacas
I arranjar frejulada
Abriu l pimiento
I las formigas gustórun
Bamos a quedar lhibres
Lhougo eilhas pensórun
Nun sabien, cuitadas
Que nua rateira
A relhuzir l sol
Acabarien spetadas
A bater las alas
L sol, assustada
Cada formiga quedaba
A spera de paixarada
La fonecra chegaba
Cun la cuquelhada
Quemie la formiga
I quedaba caçada
I la rapazica
Siempre a la spreita
Dezie: yá caiu outro,
Toda sastifeita
Iba para casa cuntenta
Cun l pimiento i la caçada
Pruista, a mostrá-la
A quien ancontraba
Quando l Berano nun chobie
Botaba baldos de auga
Ne l formigueiro
Que apuis el salie
2 comentários:
Tamien tirábamos la meolha de ua raba i até faziemos la tapadeira i todo, para meter las formi(gas) andrento.
Yá andaba la barraige i ibamos a saber de peneus bielhos para ls poner a arder i tirar-le l'arame para fazer las molas de las rateiras, si porque las faziemos nós. I nun ralas bezes lebabamos uas chicotados por ira a cortar l arame de ls lameiros para las rateiras.
Si teniemos eimaginaçon i hablidade...
You nun fazie tanto! La mie halbelidade nun chegaba para essas anzonas!
Que risa me dou. Antón yá naquel tiempo andabades a fazer po l buraco de l ouzono cun ls peneus?
Bs
Adelaide
Enviar um comentário