De scuro nó!

Nun me bistades de cinzento
I de negro nien pensar
Besti-me de rosa ou amarielho
Besti-me de la quelor de l cielo
Ou de la niebe a relhampar

Besti-me cun quelores bibas
L negro nun ye para mi
You gusto de quelor i bida
Bonda pouca me restar
I de scuro nun la quiero pintar

De negro nó!
Quiero que nas mies angúrrias
Steia la lhuç reflectida
De las quelores que bestir
Que me fagan çquecir
Las marcas de la bida

De scuro nó!