Moçambique

Moçambique
Parque da Gorongosa

Douro

Douro
An cama de mofo

sábado, 6 de junho de 2009

Dous antuolhos


De saltos altos i lábios pintados de burmeilho, stá la cereija colgada, sóla ou an ramalhete, siempre a porbocar quien passa, pronta para fazer un brilharete.
Cun pistanhar de uolhos ansinuante, bestidos transparentes i decotados, yé eirótica que nun hai quien l puoda registir. Homes i mulhieres, bielhos i nuobos, naide se farta deilhas.
Són antuolhos, diç l pobo.
Són mais guapas que buonas, dizie mui abó, quando quedaba anchado de la barriga cun eilhas.
L morangano que stá to l die ne l canteiro de l lhado de baixo a ouserbar todo, mui apaixonado i l mesmo tiempo algo ciumento de ls pretendientes de la cereija, dá-l muita beç uas quinadas para ber se eilha nun ye tan namoradeira.
Sós mi zabergonhada diç-l el, yá maduro i perfumado, siempre a dar beisicos a la tierra adonde medrou i cheno de buntade de l dar ls beisicos a eilha, mas nun l chega. Algua cumpostura nun te farie mal nanhun, dás fala a todo mundo que passa. Scusabas de sborratar tanto ls lábios quando ls pintas! Mulhier mais lebiana nunca you bi!
Olha quien stá eilhi todo repimpado, l senhor morangano que ten la manie de dar liçones de moral! Nun sós tu que andas siempre metido ne l meio de paixónes, a ser mordido, belhiscado i nun sei que será mais, sólo ou anrebulhado an chantili, a tocar ne las bocas, ne ls ambeligos? Tán lebiano, nun te querie nien puosto nua tarte, home!
You sei que nun sou flor que se cheire i que tamien fago aire nas tripas, mas tu pones la giente chena de alergias, cun la piel toda ansarapulhada.
L morangano quedou-se, stába por baixo, cuitadico! Eilha staba a falar de polheiro i siempre a cumprir la sue funçón, que ye pistanhar para zancaminar la gente.El ye mi guapo, mas ye tímido.
Són dues frutas mi antulhadiças.
I porquei nun dezir eiróticas se an buona berdade són?

2 comentários:

Isilda disse...

Buonas nuites Delaidica.
You nun me canso de lher todo l que tu screbes, rialmente solo quien ten l don de la scrita, pude screbir cousas tan guapas "de cousas tan simples".
Parabienes amiga!
Sabes que stou siempre a la spera de l tous testos, de l tous poemas, porque adoro lher-los. Sin dubida que esses dous fruitos, ls mius preferidos, son chenos de quelor e claro, de erotismo!!!
Beisicos.
Eisilda

Adelaide Monteiro disse...

Eisildica mie amiga!
Inda bien que gustas de l que scribo i que l lés.
Són mi antulhadiços esses marotos! Ls morangos dalhá son mui perfumados i saborosos. Quien come desses nun porba ls de compra.Ye todo buono no nuosso rinconico.
Beisico
Adelaide

Enviar um comentário

Arquivo do blogue