Abro la mie paisaige
Passaige
Para alhá de l'agora
Puorta abierta
Jinela abierta
Siléncio
Aurora
Que hai
Para para alhá de l riu
Feito de lágrimas
De ls justos
Que hai
Para para alhá de l riu
Feito de fabores
De ls corrutos
Que hai
Para para alhá de l riu
De ls que muorren
Andefesos
De ls que biben
Amordaçados
De ls que
Son anjustiçados
Que hai
Para alhá de l miu riu
Feito d'alegries i penas
De suonhos
Feitos poemas
An mi
Que conheço
E de l que
Çconheço
De mi
Que hai para alhá…
1 comentário:
Buonas tardes Adelaide!
L que bés para alhá de la tua paisaige, you lheio, i gusto mas l que you beio drento de ti ye sabedorie, ye quelor, ye alegrie, ye ua beleza sin fin.
Inda un die quiero lher l lhibro de l tous poemas, quelorido cun las quelores que solo tu sabes fazer!
Beisos
Isilda
Enviar um comentário