Moçambique

Moçambique
Parque da Gorongosa

Douro

Douro
An cama de mofo

segunda-feira, 8 de março de 2010

A quatro manos

Posted by Picasa



Ua pintura que naciu dua amisade ampeçada nun Berano caliente, pintura a quatro manos, a dous sentires, cun dous stilos de pincelada. Na assinatura, Teresa i Adelaide, Setembro de 2oo9.
Un acrílico ousado a pensar que era tinta a ólio, ua mistura de materiales que nun se dórun bien, de l que resultou que la maçana que era para quedar no firmamiento, caiu a bolcos nun ouciano i ende quedou a arrepinchar auga cun l tombo, nun surrialismo que se querie de ua maçana sbolaciante, a planeta ou metiorito a nadar ne l mar.

Seia l que fur, gustemos las dues desse mergulhar.
Ende quedou l ampeço dua amisade, grabada nua assinatura, l die siete de Setembre de dous mil i nuobe, an San Lhourenço, na Speciosa, mirando pala Sierra de Sanábria atrabeç dun aire caliente cun canícula.

Hai dies que bálen eiternidades porque eiternidades son i hai amisades entre pessonas que naçen ne l pormeiro mirar. Bai-se a saber porquei!... Parece que yá será d´outras ancarnaçones, se ye que las hai...
Dou-me hoije para screbir este testo, talbeç por ser l die Anternacional de la Mulhier, ou talbeç nó; talbeç porque, stando a ber retratos de l Berano dei de caras cun esta pintura a quatro manos. Apuis dou-me pala mandar pal blogue i apuis algo habie-de screbir.
Para ti tamien este testo, Jomba, por alhá stares cun nós.

Para quien nun sabe, Jomba ye la mie guapa i spierta perra, mie cumpanha de biaijes.



3 comentários:

Amadeu disse...

Guapo, Delaide i parabienes tamien para Teresa.
Cliquei ne l botonico que stá por ambaixo l retarto i fui a tener a un blogue: porquei?

bs.
A.

Adelaide Monteiro disse...

Mandei-la, clicando ne l retrato, directamente pal blog i secálha foi por isso.
Nien you sabie que se podie. Nestas cousas de l´anternete stá-se siempre a daprender cun çpriénças nuobas.
Fui assi la stória de la amisade que se frimou nessa assinatura cumo que an Notário.

Beisicos

delaide

teresalmeida@gmail.com disse...

Eu sou caloira nestas artes, vou clicando aqui e ali e hoje colhi este magnífico presente.Que contente fiquei!
Adelaide gosto da tua pintura e da tua escrita. A arte brota naturalmente de ti e fazes muito bem em partilhá-la com os teus amigos. Vamos crescendo também.
Olá Amadeu, a tua obra já eu conheço há muito tempo e congratulo-me com isso. Em vários sítios procuro os teus textos, os teus livros e como vale sempre a pena...
Para os dois um grande abraço. Obrigada

Enviar um comentário

Arquivo do blogue