Perdi-te
antre la nubrina de la mente
i, de repente se fizo,
ouséncia.
Perdi-te
Nas falhas de mimória,
scuridon de l die,
deméncia.
Perdi-te
nas caleijas de ls minutos,
segundos an remissacos,
preméncia.
Percurei-te
antre palabras,
letras an cachoneira,
ourgença.
Achei-te
i, de manos abiertas
soltei-te a l aire,
cedéncia …
2 comentários:
Mui guapo tie Delaide, grande anspiraçon.
Parbienes,
um beisico
Félç.
Podeis benir a ber l que ye l REZOSA, pessonalmente ou en: http://nuobas.blogspot.com/
Oubrigada Felç. Se stebir porende bou si senhor.
Beisicos, Felç,
delaide
Enviar um comentário