![](https://blogger.googleusercontent.com/img/b/R29vZ2xl/AVvXsEhVHegzziuie8b3W4yZe3wLQgU0-09fzNlu8ql5SCv1JXEpx2mVg_Yn75wmB6NxNTSoyDuNh7Ojas_iW6HAoWCoJUUWyrEBMV_9559Y_RNsJ9-mENbdPdTwZL21eAGk8Kf-XqpUoEkQyL8j/s400/2914202barcos+e+vermelh%C3%A3o+foto+de+jorge+garcia.jpg)
Si, you sei
que depuis de l çponer,
outro die ben.
Si, you sei
que depuis de l bermelhon
cun que se çpide l die,
outro die benerá,
outra luç buolbirá,
roixa, laranja an claron.
Si, you sei…
Mas tamien sei qu'hai nuites
an que l cuorpo
me tembra de friu
i tengo miedo de la scuridon.
Sabes sol de la tarde?
Nun puodo cuntar cul lhunar
porque de fases ye la lhuna.
Uas bezes doce a amar,
outras bezes dura i cruda.
Por isso sol de l poente,
tan burmeilho de paixon,
nun me deixes antregue a la nuite
tira-me desta scuridon.
Dizes-me…
que tenes pouca lhuç,
sol poente?
De pouca stou you carente!
Manhana, al amanhecer
pormeto que te bou a ber,
bien cedico, a Naciente
Sem comentários:
Enviar um comentário