Moçambique

Moçambique
Parque da Gorongosa

Douro

Douro
An cama de mofo

quinta-feira, 11 de fevereiro de 2010

Sonhai,sonhai!!!


Spertei cun las poças ls uolhos
rasicas d´auga salgada.
Quije-me lembrar de ls suonhos
cousadores de la mundiada.

Outras bezes amanheço
cun ls uolhos a rir primabera.
Lhembro-los un pouco a l´ampeço
mas squeço-me lhougo l qu´era.

Ls suonhos! Cachos pequeinhos
misturas de l que passemos.
Ls suonhos tamien son deseios
de la bida cun que sonhemos.

Mas ls melhores que tenemos
son quando stamos spiertos.
Son alas que nós ponemos
an postigos siempre abiertos.

Sonhai, sonhai, que l sonhar
la liberdade garante.
An suonho podeis biajar
l mundo anteiro, nun sfregante.




Sem comentários:

Enviar um comentário

Arquivo do blogue