![](https://blogger.googleusercontent.com/img/b/R29vZ2xl/AVvXsEh56vShHQpLPHOFlZEXPltob1BAXWPN_2UIIzxQTF_YQM3R0dot5mKbSzcJLd8QPWP1ORqlNIcMq_Xnsc5xMSw-rFBJgiU_vjsEf7oZLRNQyY5xeGo674OJbd-eFsDSu2CkQ4oXdOQ8wUg9/s400/cavalos+ao+vento.bmp)
Fuste-te...
Cumo se furas
Un cabalho de corrida
An arenas sien fin
A buscar bitórias.
A galope perdiste-te
Caminando por bosques
Adonde nun tenies aldaba
Para prender mimórias.
Spera-te...
Ne l puial de l cansaço
Sigurando nas manos
Ls suonhos que remendou.
Camina...
Agarrada a tous braços
A que un die se sigurou
Para remar an remolinos
I an tous beisos se afundou.
Spera-te...
Nas scaleiras de l´ alma
Para que scaleira a scaleira
Baias chubindo
An chubida berdadeira.
Nun te ambaias
Cun l´auga
Que se scapou
Debagarico
De l´ougueira.
Spera-te...
Nun naciente a berbolhar.
Sem comentários:
Enviar um comentário