Moçambique

Moçambique
Parque da Gorongosa

Douro

Douro
An cama de mofo

domingo, 14 de fevereiro de 2010

L die de ls namorados




Yá nun ye la pormeira beç que digo eiqui isto. Nun gusto destes dies de nomiada, l die de l pai, de la mai, de la mulhier i este que ye l die de San Balantin, mais coincido pul die de ls namorados. Nun gusto porque me fiede siempre a negócio, para muitos se aporbeitáren de l die para haber inda mais cunsumismo do que l que yá hai.


Die de ls namorados ten que ser to ls dies i se nun l ye to ls dies inda an namorados, mais bal que nun se namoren, mala seinha ye...


Anque nun dando balor als dies por aquilho an que fúrun streformados, cuido que siempre para algo sírben, chamando l´atençon para cousas amportantes.


Este an special, poderá serbir para pensar seriamente na bioléncia que se ouserba antre namorados i que ten benido a medrar ne ls redadeiros anhos.
Falo an bioléncia física de rapaç para rapaza, talbeç por el tener mais fuorça, mas tamien bioléncia psicológica, mui peligrosa, tanto de la parte de l home cumo de la mulhier. Dambas a dues, son seinhas de que l respeito se perdiu mesmo nua altura an que la bida ten todo para ser ua bida an mar de rosas, de einamoramiento.
L más preocupante ye que, anque cun esse clima de bioléncia, an beç de se apartáren, muitos se casan i claro que solo puode resultar mal.

2 comentários:

Balmiro Quinteiro disse...

Biba Adelaide!

Oubrigado por screberdes contra la biolencia - nunca sera demais la gente reboltar-se contra isso mas oulhai que sodes algo parcial quando falais de biolencia fisica so de rapac para rapaza: Tengo la certeza que las statisticas de la Speciosa nesse campo num bos dao rezon Adelaide.

You sou ua bitima biba (por pouco :-) de la biolencia de las rapazas d'alha que me furoram la cabeca pul menos dues bezes a lapada que inda me lembro bien y anton las perrices que me faziram dabam para screber um blog anteiro. Y nos quando al tocabamos a eilhas metien-se lhougo debaixo de las saias de las maes y teniemos que mos puner a palo.. de bez an quando nin sequiera era preciso tocarle!

Beisicos,
Belmiro

Adelaide Monteiro disse...

Tenemos que screbir esse tal blog, " la memórias de Balmiro na Speciosa".
Tu sós perro!...

Beisicos

Delaide

Enviar um comentário

Arquivo do blogue