Moçambique

Moçambique
Parque da Gorongosa

Douro

Douro
An cama de mofo

domingo, 1 de novembro de 2009

Lhanço-bos palabras

Són las palabras
Las lhanças que bos atiro
A spera de acertar
Nó para bos matar
Solo para bos marcar.
Marcar cun las cicatrizes
Que bos ambergonhen
Que bos fágan tan feios fuora
Quanto l que sodes drento.

Lhanço-bos las palabras
Nun sperando que las leiades
Mas si que outros las leian
I que mais lhanças atíren
A bós i a to la corja
Que cun bós angorda.

Muito hai que demudar…
Staremos todos drumientes
I sien fuorças para lhuitar?


Lhancemos lhanças
Cada un a sou modo
I cun las armas que ajeitar
Porque consante stá
Nun puode cuntinuar.

Sem comentários:

Enviar um comentário

Arquivo do blogue