Sbarrulhos

Sbarrulhos...
Sbarrulhos,
dadónde sálen pedragulhos
cada beç maiores
i, quanto mais bai,
piores.
Quales sbarrulhos?!!
De casas ou de puontes?
Nó, esses si fázen antulho
Mas puoden-se restourar.
Son ls sbarrulhos de la decéncia,
de l´hounestidade i moral
sbarulhos a tuorto i dreito
sien que l paréça mal.
Nesses sbarrulhos,
quanto mais sbarrúlhan,
mais quieren sbarrulhar
i naide arranja la cal
para cun eilhes terminar.