Moçambique

Moçambique
Parque da Gorongosa

Douro

Douro
An cama de mofo

segunda-feira, 4 de maio de 2009

Tornei

Tornei adonde la gente si fala ua cun la outra.
Tornei a ajuntar l cuorpo a la mie raiç i assi, cumo se fura ua planta bou-me renubando.
Acabo de me alhebantar i anquanto la máquina de l café calece para you saborear l miu bício, pongo-me a screbir.
L die stá soalheiro, cun aire friu. Mais tarde las brigadas enchan-se de bielhos a calcer las artroses de ls anhos.
Oulhando pala Moura beio que ls trampos i carbalhos yá berdegan; Las cereijeiras que habie deixado cun la flor a caer yá stan cargadicas de cereijas, seinha que ls tordos nun faltaran porqui; Ls freixos stán cumo smeraldas an anel, guapos de morrer!
Todo medrou. La Speciosa parece-me cada beç mais guapa!
You tamien bin, não a medrar( assi spero), mas a renuobar-me.
Eiqui la mie raiç assigura-me tanto a la tierra que quedo fuorte que nien un arrocho!...
Agora bou a botar-me a l café para ber se sperto...

1 comentário:

Isilda Nascimento disse...

Oula amiga Adelaide!
Pul que leio, cuncluo que stubo ó inda stá na sue aldé de la Speciosa.
Y que guapa çcriçon que faç de la primabera campestre de l nuosso tras-ls montes, que nesta staçon ne ls oufrece un de l mais guapos cenários.Nun falando de l chilrear de ls paxaricos, que nesta eipoca custroien ls sous nials. Anque de la desertaçon, felizes ls que puoden ai bibir!
Un abraço i buona stadie.
Eisilda

Enviar um comentário

Arquivo do blogue